2019 թվականի մարտի 23-ին <<Մաքուր Հայաստան>> ծրագրի շրջանակներում Անուշավան համայնքում տեղի ունեցավ համապետական շաբաթօրյակ: Շաբաթօրյակի շրջանակում ներառված էին շուրջ 250 մարդ՝ համայնքապետարանի աշխատակազմ, մանկապարտեզի աշխատակազմ, միջնակարգ դպրոցի ուսուցչական և աշակերտական կազմ: Աշխատանքները կատարվեցին ըստ նախօրոք կազմած գրաֆիկի:

Անուշավանի համայնքապետարանի աշխատակազմի և անձամբ իմ անունից ջերմորեն շնորհավորում ենք մեր համայնքի կանանց և աղջիկներին` կանանց միջազգային տոնի` ՄԱՐՏԻ 8-ի առթիվ: Սիրելի կանայք, մաղթում ենք Ձեզ քաջ առողջություն, սեր և ջերմություն ձեր ընտանիքներում: Սա ևս մեկ առիթ է ձեզ մեծարելու և ցույց տալու, թե որքան կարևոր եք դուք մեզ համար: Թող որ ձեր կյանքում ձեզ միշտ ուղեկից լինեն հաջողությունը, երջանկությունը և հոգևոր հանգստությունը: Ցանկանում եմ, որ ձեր կյանքի բոլոր օրերը հագեցած լինեն դրական պահերով:
Սիրով և հարգանքով` Երվանդ Հակոբյան:

Սիրելի՛ անուշավանցիներ, շնորհավորում եմ բոլորիդ Ամանորն ու Սուրբ ծնունդը:  Գալիք 2019թվականը թող լինի խաղաղության, բերքի ու բարիքի, բազում հաջողությունների և նորանոր ձեռքբերումների տարի:

Շնորհավորում ենք նաև հայոց բանակում ծառայող բոլոր  զինվորների   Նոր տարին և Սուրբ Ծնունդը: Գալիք տարին թող մեզ դարձնի էլ ավելի միասնական, համբերատար, հանդուրժող, մեր երկրին բերի խաղաղություն,  հայ զինվորը փառքով տուն վերադառնա, բոլոր ընտանիքներում լսվեն մանուկների ուրախ ճիչեր …

Զինվենք լավատեսությամբ և թող 2019թվականը բոլոր ծրագրերի իրականացման տարի լինի մեզ բոլորիս համար:

Հարգանքներով՝ Անուշավան համայնքի ղեկավար՝ Երվանդ Հակոբյան

2018 թվականի սեպտեմբերի 8-ին <<Մաքուր Հայաստան>> ծրագրի շրջանակներում Անուշավան համայնքում տեղի ունեցավ համապետական շաբաթօրյակ: Շաբաթօրյակի շրջանակուն ներառված էին շուրջ 250 մարդ՝ համայնքապետարանի աշխատակազմ, մանկապարտեզի աշխատակազմ, միջնակարգ դպրոցի ուսուցչական և աշակերտական կազմ: Աշխատանքները կատարվեցին ըստ նախօրոք կազմած գրաֆիկի:

Անուշավան համայնքում ընթանում է ներհամայնքային թիվ 13-րդ, թիվ 14-րդ, թիվ 24-րդ, թիվ 25-րդ և թիվ 29-րդ փողոցների բազալտե խճով կառուցման աշխատանքները: Դեռևս կատարվում են երկրորդական փողոցների հարթեցման և շեբինապատման աշխատանքները: Աշխատանքները ընթացքի մեջ են:

Անուշավան համայնքում ավարտվեցին բերքահավաքի աշխատանքները: Համայնքի ղեկավարի և աշխատակազմի անմիջական ղեկավարությամբ այն համայնքում կատարվեց ժամանակին և պատշաճ կերպով: Համայնքի ոչ մի տնտեսություն հացահատիկի կորուստ չի ունեցել: